PUMA hefur staðfest stóran samning við KSÍ, þetta var staðfest í fréttatilkynningu nú í morgun.
„Ég hef verið afar hrifin af þeim árangri sem Íslands hefur náð,“ sagði Björn Gulden stjórnarformaður PUMA. „Þrátt fyrir að vera fámenn þjóð þá hefur Íslands marga hæfileikaríka leikmenn. Það er frábært viðhorf þarna og það er góður liðsandi. Við erum spennt fyrir því að vinna með KSÍ.“
Í fréttatilkynningu Puma er talað um það magnaða afrek að Ísland með 330 þúsund íbúa hafi komið karlaliði sínu á EM 2016 og HM 2018. Þá er talað um frábæran árangur kvennalandsliðsins sem komst þrjú ár í röð inn á EM.
Hið fræga Víkingaklapp er svo einnig til umræðu. „Við erum spennt fyrir því að vinna með Puma, eitt stærsta íþróttafyrirtæki í heimi,“ sagði Guðni Bergsson formaður KSÍ.
Ítalía, Austurríki, Serbía, Sviss og Tékkland eru einnig á meðal landsliða sem leika í Puma. Íslenska landsliðið hefur leikið í Errea um langt skeið en nú er það skeið á enda.