Christian Kabasele varnarmaður Watford hefur grínast með það að leikmenn liðsins ætli einn af öðrum að næla sér í kórónuveiruna til að sleppa við fall.
Leikmenn Watford hafa nokkrir neitað að mæta til æfinga af ótta við veiruna en smit hefur verið í herbúðum félagsins.
Watford er í harðri fallbaráttu en stefnt er að því að hefja leik í ensku úrvalsdeildinni 19 júní.
„Ég skal útskýra hugmyndafræði okkar, við erum að ná okkur í eitt smit á viku,“ sagði Kabasele.
„Við veljum einn til þess að sjá til þess að við spilum ekki aftur og sleppum við fall.“
Færslan hefur ekki farið vel í alla en augljóst er að Kabasele er að grínast.
So let me explain our tactic : we are doing one injection of #covid19 once a week. We draw the player/membre of staff who get it like this we are sur that we never play again and avoid relegation 🤦🏾♂️#watfordfc https://t.co/FdfMF4vqoB
— Christian Kabasele (@chriskabasele27) May 23, 2020