Liam Gallagher fyrrum rokkstjarna í Oasis sendi út færslu í morgun sem hann var fljótur að eyða. Gallagher var ekki sáttur með Manchester City og nýjan búning félagsins.
Gallagher er harður stuðningsmaður Manchester City og var ekki sáttur með treyju sem á að nota á næstu leiktíð.
Gallagher skrifaði. „Sá sem ber ábyrgð á þessum nýja búning Manchester City, það á að senda hann til Wuhan,“ skrifaði Gallagher og vísaði í kórónuveiruna sem á upptök sín í Wuhan í Kína.
„Sá sem kaupir svo þessa treyju á svo að fara í næsta flug.“
Gallagher var fljótur að eyða þessari umdeildu færslu en treyjuna og færsluna má sjá hér að neðan.