Gary Neville sérfræðingur Sky Sports telur að að fjöldi leikmanna muni hafna því að mæta til æfinga á Englandi. Félög fengu leyfi til að hefja æfingar í fimm manna hópum í dag.
Troy Deeney, fyrirliði Watford hefur gefið það út að hann neiti að mæta til æfinga. Hann er hræddur við kórónuveiruna og að koma með hana heim til sín.
„Við eigum að byrja í vikunni en ég hef látið vitað að ég mæti ekki,“ sagði Deeney sem er þekktur harðhaus í boltanum.
Neville á von á því að fleiri fylgji. „Ég veit að það eru félög í deildinn með fimm eða sex leikmenn sem vilja ekki mæta aftur. Þeir eru ekki sáttir með hvernig næstu stig verða,“ sagði Neville.
„Það eru vandamál sem koma og vandamál sem þarf að leysa á næstu vikum.“