Það er ekki útilokað að Cristiano Ronaldo snúi aftur til Real Madrid í sumar eftir tveggja ára fjarveru. Ronaldo hefur gert það gott hjá Juventus en félagið gæti verið að lenda í fjárhagsörðuleikum.
Þannig hafa allir leikmenn Juventus þurft að taka á sig verulega launalækkun vegna kórónuveirunnar.
Ronaldo elskaði lífið í Madríd og gæti farið aftur þangað. ,,Ég veit að hann elskar Madrid, það er á hreinu,“ sagði Jose Fonte, samherji Ronaldo í landsliði Portúgals.
,,Það er ljóst að hann elskar félagið, þetta er eitt stærsta félag í heimi. Hann á marga vini þarna og hefur aldrei útilokað endurkomu.“
,,Ég yrði ekki hissa ef hann endaði hjá Real Madrid aftur.“