Liverpool hefur mikið verið til umræðu, eftir að félagið ákvað að setja starfsmenn sína á atvinnuleysisbætur en hætti svo við. Stuðningsmenn félagsins voru reiðir, og FSG sem á félagið hætti við.
Fenway Sports Group, keypti Liverpool árið 2010 og John W Henry eigandi hefur þótt nokkuð vinsæll.
Hann og hans fólk hefur hins vegar gert mistök í starfi, Daily Mail hefur tekið saman þau hneyklsi sem komið hafa upp hjá Liverpool frá því að FSG keypti félagið.
Luis Suarez bolurinn:
Árið 2011 var Luis Suarez, framherji Liverpool dæmdur fyrir kynþáttaníð í garð Patrice Evra Allir leikmenn félagsins og Kenny Dalglish mættu í bol með mynd af Suarez í leik gegn Wigan. Búið var að dæma Suarez í átta leikja bann en Liverpool gat áfrýjað dómnum. Málið vakti upp mikla reiði. Félagið sagði framherjann saklausann en hann var dæmdur. Leikmenn Liverpool hafa í dag viðurkennt að þetta voru mistök.
Afsökunarbeiðni vegna Van Dijk
Sumarið 2017 var Liverpool að reyna að fá Virgil Van Dijk frá Southampton. Miðvörðurinn talaði af sér og sagðist vilja fara til Liverpool eftir að hafa séð hugmyndafræði Jurgen Klopp, Southampton hafði ekki gefið Liverpool leyfi til að ræða við miðvörðinn. Liverpool sendi frá sér afsökunarbeiðni en Van Dijk og Klopp hittust á hóteli í Blackpool. Liverpool sagðist ekki æta að sýna miðverðinum meiri áhuga en keypti hann svo sex mánuðum síðar.
https://i.dailymail.co.uk/1s/2020/04/07/14/26906474-8195471-Liverpool_were_accused_of_tapping_up_Virgil_van_Dijk_in_the_wind-a-14_1586266228258.jpg
Hökkuðu kerfi Manchester City:
Liverpool hefur borgað Manchester City eina milljón punda eftir að starfsmenn félagsins brutu sér leið inn í gagnagrunn félagsins. Um var að ræða gagnagrunn um leikmenn sem City var að fylgjast með og hafði áhuga. Liverpool hafði ráðið til starfa fyrrum starfsmenn City sem kunnu leið inn í kerfið, Liverpool játaði brot sitt með því að greiða sektina til City og enska sambandið lét málið niður falla.
Nýja stúkan
Það átti að vera fagnaðarefni þegar Liverpool lagaði Main stand stúkuna á Anfield, þegar í ljós kom að miðaverðið ætti að vera allt að 77 pund, þá urðu stuðningsmenn félagsins reiðir. Því var hótað að ganga fyrr af velli í næsta leik liðsins, FSG eigendur félagsins sáu að sér og lækkuðu verðið um 16 pund.