Tottenham hefur þurft að ítreka við leikmenn sína að vera ekki að hittast og að halda fjarlægð við fólk.
Þetta gerðist eftir að myndband af tveimur leikmönnum félagsins úti að hlaupa fór á samfélagsmiðla.
Davinson Sanchez og Ryan Sessegnon ákváðu að fara saman út að hlaupa í dag, það er bannað samkvæmt reglum í Bretlandi.
Útgöngubann er í landinu, fólk má fara út í eina klukkustund á dag en þá bara með fólki sem það býr með.
Sanchez og Sessegnon búa ekki saman og hefðu því þurft að hafa tvo metra á milli sín, þá reglu brutu þeir einnig.
Enska deildin er í pásu vegna kórónuveirunnar og er óvíst hvenær eða hvort deildin fer aftur af stað.