Alexis Sanchez, hefur kostað Manchester United 64 milljónir punda frá því að hann gekk í raðir félagsins. Þetta segja útreikningar Daily Mail.
Sanchez gekk í raðir United í janúar árið 2018 og fann aldrei taktinn. Hann var lánaður til Inter síðasta sumar.
Sanchez er launahæsti leikmaður ensku deildarinnar með 391 þúsund pund á viku, hann fékk 6,7 milljónir punda þegar hann skrifaði undir.
Sanchez fær svo 75 þúsund pund fyrir hvern einasta leik sem hann byrjar hjá United. Sanchez fær 2 milljónir punda í bónus þegar United kemst í Meistaradeildina, hann fær svo 560 þúsund pund í höfundarrétt.
United borgar helming launa Sanchez í dag á meðan lánsdvöl hans hjá Inter er í gangi.