Manchester United þarf ekki að hafa áhyggjur af peningavandræðum vegna kórónuveirunnar, þetta segir frétt Daily Mail.
United er með 173 milljónir punda í styrktarsamninga við fyrirtæki á hverju tímabili og það hjálpar á erfiðum tímum.
Ed Woodward, stjórnarformaður félagsins hefur verið gagnrýndur fyrir að leggja of mikla áherslu á slíka samninga, en staða félagsins í dag væri verri ef ekki væri fyrir yfirburði á þessu sviði.
United er það félag sem er með stærstu samningana á Englandi þegar kemur að styrkjum frá fyrirtækjum.
Daily Mail segir að United þurfi ekki að fara sömu leið og Tottenham og fleiri félög, að lækka laun starfsmanna á meðan kórónuveiran gengur yfir.