Rustu Recber, fyrrum markvörður frá Tyrklandi liggur nú á spítala vegna kórónuveirunnar. Hann var lagður inn vegna veikinda og í ljós kom að hann var með veiruna.
Eiginkona hans segir Rustu Recber hafi fengið slæm einkenni og að þetta sé ekkert venjuleg flensa.
,,Síðustu 72 klukkutímar hafa verið mjög erfiðir,“ sagði Isil, eiginkona Rustu Recber um ástandið.
,,Ég vona að þetta fari að verða betra, ég vil vara fólk við þessu. Þetta er veira sem líkaminn kannast ekki við og það er mikilvægt að greina einkenni hans fljótt.“
Rustu var fyrst um sinn í lífshættu en hefur verið á batavegi.
,,Þessi veira er ekki bara í hálsi og nefi, hann fer fljótt í lungun og þar hefur hún mikil áhrif. Rustu var veikur í nokkra daga, skrýtin einkenni. Hann varð veikburða, þreyttur og hafði engan áhuga á mat.“
,,Húðin hans varð öll grá, hann andaði hratt og var svo í vandræðum með að anda. Hann hætti ekki að hósta, hann gat varla talað og púlsinn rauk upp.“