Manchester United og Chelsea eru eftir í baráttunni um Jadon Sancho, kantmann Borussia Dortmund. Frá þessu segja ensk og þýsk blöð.
Sancho hafði einnig verið orðaður við Liverpool en 100 milljóna punda verðmiðinn, verður til þess að Jurgen Klopp mun ekki eltast við Sancho.
Sancho er tvítugur enskur leikmaður sem vill fara frá Dortmund í sumar, hann hefur átt frábær ár í Þýskalandi en vill halda heim til Englands.
Sancho hefur mest verið orðaður við Manchester United en óvissan í kringum kórónuveiruna gæti haft áhrif á framtíð Sancho.
Sancho lék áður með Manchester City en þrátt fyrir að félagið hafi forkaupsrétt, þá vill Sancho ekki snúa aftur þangað.