UEFA ætlar að reyna að klára Meistaradeildina og Evrópudeildina í júlí og ágúst, ef marka má ZDF í Þýskalandi.
Þar segir einnig að allir landsleikir, þar á meðal leikur Íslands og Rúmeníu i umspili um laust sæti á EM fari fram í september.
Ísland og Rúmenía áttu að mætast í síðasta mánuði en fyrst um sinn var landsleiknum frestað fram í júní, núna verður honum líklega frestað aftur.
Kórónuveiran hefur haft gríðarleg áhrif á íþróttir um allan heim og hefur öllu verið frestað, vonast er til að hægt verði að hefja leik aftur í júní.
Meistaradeildin og Evrópudeildin yrðu þá hraðmót í sumar til að reyna að ljúka öllu áður en næsta tímabil, hefst næsta haust.