FH hefur gengið frá kaupunum á hinum 19 ára gamla Vuk Oskar Dimitrijevic frá Leikni. Vuk Oskar hefur, þrátt fyrir ungan aldur, nú þegar spilað tæplega 38 leiki fyrir Leikni í næstefstu deild og skorað í þeim 5 mörk ásamt því að hafa spilað 10 leiki fyrir yngri landslið Íslands.
,,Vuk Oskar er hávaxinn sóknarsinnaður miðjumaður með mikla tæknilega getu og gott auga fyrir leiknum og ríkir mikil gleði innan herbúða okkar FH-inga að hafa tryggt okkur krafta þessa mjög svo efnilega leikmanns,“ segir á vef FH.
Vuk Oskar verður, fyrst um sinn, lánaður til baka til Leiknis með því markmiði að hann haldi áfram að þróa og bæta sinn leik. Við FH-ingar þökkum Leiknismönnum fyrir góð samskipti og erum þess fullvissir að við náum að halda áfram því frábæra starfi með Vuk Oskar sem Leiknir hefur unnið.
Öll stærstu lið Pepsi Max-deildarinnar vildu fá Vuk sem valdi að fara til FH.