Dolores Aveiro, móðir Cristiano Ronaldo var flutt á sjúkrahús eftir að hafa fengið heilablóðfall í fyrrinótt.
Dolores er nú á sjúkrahúsi í Madeira þar sem hún býr, hún fékk blóðtappa í heila en er ekki sögð í lífshættu.
Neyðarlínan í Madeira fékk símtal um 05:00 vegna Dolores og var hún flutt með hraði á sjúkrahús. Hún fer í ítarlegar rannsóknir í dag. Dolores hefur áður barist fyrir lífi sínu en hún hefur fengið krabbamein í bæði brjóstin
,,Takk fyrir stuðninginn vegna mömmu, líðan hann er stöðug og hún er að jafna sig á spítalanum. Ég og fjölskylda mín viljum þakka læknateyminu sem sér um hana, við biðjum líka um frið frá fjölmiðlum á þessari stundu,“ sagði Ronaldo.
Samband Ronaldo og Dolores er eins og best verður á kosið, þau eru afar náinn og ræða öll mál. Dolores er 65 ára gömul en Ronaldo er eins og sagt er, mömmustrákur. Hún hefur hjálpað honum mikið á lífsleiðinni og hjálpað mikið við uppeldið á börnunum sem hann á.
,,Ég ólst upp við það að eiga ekkert, við vorum fátæk. Ég átti enginn leikföng og fékk aldrei jólagjafir,“ sagði Ronaldo um æsku sína, faðir hans var drykkfelldur og tók engan þátt í neinu. Hann lést þegar Ronaldo lék með Manchester United.
,,Fyrir okkur var þetta eðlilegt, þetta var það eina sem við þekktum. Það voru allir eins í kringum okkar en það var mikil lífsgleði.“
Árið 2009 sigraði Dolores sína fyrstu baráttu við krabbamein, eftir sigurinn þá færði Ronaldo spítalanum um 16 milljónir til að byggja upp aðstöðu fyrir þá sem berjast við krabbamein. ,,Cristiano er endalaust þakklátur þeim læknum sem hafa hjálpað mömmu sinni,“ sagði vinur fjölskyldunnar.
Ronaldo hefur þénað ótrúlega á ferli sínum og hefur mamma hans notið góðs af því, hann keypti 320 milljóna hús fyrir hana í Madríd þegar hann gekk í raðir Real Madrid árið 2009. Þannig gott Dolores verið nálægt honum.
Hann hefur keypt fyrr hana hús í Portúgal og þá er hann sagður fljúga henni út um allt í einkaflugvél. Oftar en ekki hefur Dolores tekið vini sína með í sumarfrí, Ronaldo borgar þá einkaflugvél undir alla.
Þegar Dolores varð sextug þá færði Ronaldo henni Porsche bíl fyrir 16 milljónir og á dögunum færði hann henni Ferrari sem kostaði 40 milljónir.
Þá hefur hún skipt sér mikið af þeim konum sem Ronaldo hefur verið að hitta og alltaf þurft að samþykkja þær áður en gengið er lengra, hún er sögð afar sátt með Georgina sem Ronaldo á eitt barn með en hann hafði sjálfur eignast þrjú með staðgöngumóðir
Ein af ástæðum þess að Ronaldo var sagður slíta sambandi við fyrirsætuna, Irina Shayk var að henni og Dolores kom ekki vel saman, hann lét Ronaldo einnig slíta sambandi við sjónvarpskonu í Portúgal, sem henni þótti of gömul. Ronaldo var þá 21 árs en sjónvarpskonan 16 árum eldri.
