Alvarlegt ástand ríkir í fjárhagi íþróttafélaga ef marka ummæli háttsettra manna þar síðustu daga og vikur, reksturinn var víða þungur áður en kórónuveiran gerði vart við sig.
Í aðgerðarpakka kemur fram að íþróttahreyfingin fái hjálp en Jón Rúnar Halldórsson, fyrrum formaður FH kallar eftir því að styrkurinn verði aukinn. Þetta kom fram á Stöð2 Sport í dag.
Jón telur að íþróttafélög ættu að fá 700 milljónir af þeim milljarði sem Alþingi hefur samþykkt að veita til menningar, íþrótta og lista.
„Það virðist vera eina ráðið að lækka laun leikmanna. Vissulega þurfa leikmenn að taka eitthvað á sig, það er alveg klárt. Það þurfa allir að taka eitthvað á sig. En það þarf að koma eitthvað á móti,“ segir Jón Rúnar sem var gestur í Sportinu í dag á Stöð 2 Sport.
Hann fagnar því að Alþingi ætli í þessar aðgerðir en telur að íþróttir eigi að fá stærri köku en aðrir. „Það er vel gert að bæta við milljarði í þennan málaflokk. Ég vil nú meina að íþróttir ættu að fá 70% og hinn hlutinn 30,“ sagði Jón og sagði fjölda krakka í íþróttum vera um 45 þúsund af 60 þúsund á Íslandi.