Lionel Messi hefur staðfest að leikmenn Barcelona hafi tekið á sig 70 prósenta launalækkun.
Ástæðan er kórónuveiran en uppi hafa verið deilur á milli aðila um hvernig eigi að hafa þessar launalækkanir.
,,Við getum greint frá því að við tökum á okkur 70 prósenta launalækkun til að tryggja að aðrir starfsmenn fái áfram 100 prósent af sínum launum,“ sagði Messi.
Kórónuveiran er að breiðast hratt út á Spáni og fjöldi dauðsfalla eykst hratt. Messi og félagar ætla að leggja til fjármuni í heilbrigðismál.
Messi þénar 500 þúsund pund í hverri viku og lækka laun hans nú um 350 þúsund pund á viku eða 61 milljón íslenskra króna. Messi mun hins vegar lifa af enda ennþá með 26 milljónir íslenskra króna á viku.