Frederico Varandas, forseti Sporting Lisbon, hefur útskýrt af hverju Bruno Fernandes var ekki seldur síðasta sumar.
Fernandes var loksins seldur til Manchester United í janúar en hann var endalaust orðað við önnur félög í sumarglugganum. Sporting þurfti að selja vegna fjárhagsvandræða.
,,Í lok júní þá vorum við búnir að átta okkur á því að Bruno yrði seldur,“ sagði Varandas.
,,Við vorum búnir að kaupa Camacho, Rosier og Vietto. Við vildum fá annan framherja og miðjumann.“
,,Síðustu fjórir dagarnir í þessum glugga voru mínir verstu dagar sem forseti, ég áttaði mig á því að við höfðum ekki selt Bruno Fernandes.“
,,Ef Sporting hafnaði 35 milljóna evra tilboði þá þurftum við að borga umboðsmanninum hans fimm milljónir. Sú klásúla var gerð opinber mjög óskynsamlega.“
,,Það var eitt af því sem refsaði okkur verulega. Það var aðeins í janúarglugganum sem Sporting ákvað að fara og reyna að semja.“