Ian Wright, goðsögn Arsenal, hlær að ummælum Unai Emery um að hann hafi verið að gera flotta hluti með félagið.
Emery var rekinn frá Arsenal á síðasta ári en hann vildi meina að liðið væri á uppleið undir hans stjórn.
Wright segir það vera kjaftæði og telur það hafa verið rétt að reka Spánverjann.
,,Það var ekki mjög skemmtilegt undir hans stjórn, þeir vissu ekki hvað þeir voru að gera eða hvert þeir voru að fara. Það var ekki mikil stefna,“ sagði Wright.
,,Svo heyrirðu þessi ummæli frá Unai Emery… Þau voru veruleikafirrt ef þú spyrð mig.“
,,Já þeir komust í úrslit Evrópudeildarinnar en þetta var versta frammistaða Arsenal í sögu úrslitaleiks.“