Raheem Sterling elti ekki peningana þegar hann samdi við Manchester City árið 2015.
Þetta segir Brendan Rodgers, stjóri Leicester, sem var þá við stýrið hjá Liverpool er Sterling fór.
Margir ásökuðu þá 20 ára gamlan Sterling um græðgi en að sögn Rodgers voru peningarnir ekki aðalmálið.
,,Fyrir Raheem þá snerist þetta aldrei um peninga,“ sagði Rodgers í samtali við Liverpool Echo.
,,Ef þetta snerist um peninga hefði hann getað haldið áfram hjá Liverpool. Hann vildi komast á toppinn.“