Körfuboltamaðurinn Luka Donic var orðlaus þegar hann hitti Cristiano Ronaldo, stjörnu Real Madrid á sínum tíma.
Donic var ungur körfuboltamaður Real en hann er í dag stjarna hjá Dallas Mavericks í NBA deildinni.
,,Ég fylgdist alltaf með Real Madrid, mér líkaði alltaf við liðið. Ronaldo kom hérna þegar ég var 13 ára, það var fyrir sjö árum,“ sagði Doncic.
,,Við fórum í jólamat með öllum – fótboltamönnum og körfuboltamönnum. Ég sat með honum á borðinu.“
,,Ég var svona 16 ára þegar ég hitti hann og var svo stressaður. Ég gat ekki talað svo ég spurði hann ekki út í neitt.“
,,Það sem ég hef alltaf viljað gera er að keyra einn bílinn hans. Hann á svo marga bíla, magnaða bíla. Ég elska bíla.“