Henrikh Mkhitaryan, leikmaður Roma, hefur gefið í skyn að hann hafi ekki áhuga á að snúa aftur til Arsenal.
Mkhitaryan var lánaður til Roma fyrir tímabilið en hann var ekki fyrstur á blað hjá Unai Emery fyrir tímabilið.
Mkhitaryan hefur nú skotið létt á Emery og segist spila mun skemmtilegri bolta undir Paulo Fonseca hjá Roma.
,,Þegar ég var hjá Arsenal þá bað stjórinn mig um mismunandi hluti, fólk bjóst við öðru frá mér hérna,“ sagði Mkhitaryan.
,,Hugmyndafræði Unai Emery er öðruvísi en Fonseca en hér líður mér mun betur því við spilum betri fótbolta og það hentar mér.“
,,Mér líkar betur við fótbolta Fonseca því við spilum mjög sóknarsinnað og reynum að hafa boltann.“