Cristiano Ronaldo og umboðsmaður hans, Jorge Mendes hafa fjármagnað kaup á 35 rúmum fyrir gjörgæsluspítala í Portúgal.
Að auki fjármögnuðu þeir kaup á 200 þúsund göllum fyrir heilbrigðisstarfsfólk. Þá keyptu þeir talsvert magn af öndunarvélum.
Allur þessi búnaður fór á Sao Jao spítalann Í Porto en með þessu vilja þeir hjálpa til við að berjast gegn kórónuveirunni.
Mikið af frægu og sterk efnuðu fólki reynir að hjálpa til á þessum erfiðu tímum en LIonel Messi og Pep Guardiola lögðu til 150 milljónir.
Þá hafa Gary Neville og Ryan Giggs leyft heilbrigðisstarfsfólki að sofa á hótelum sínum.