fbpx
Fimmtudagur 04.júní 2020
433Sport

KSÍ útskýrir hvað UEFA ætlar að gera: EM karla og kvenna frestað

Hörður Snævar Jónsson
Þriðjudaginn 17. mars 2020 14:18

Ekki missa af Helstu tíðindum dagsins í pósthólfið þitt

Lesa nánar

Knattspyrnusamband Evrópu (UEFA) fundaði í dag, þriðjudag, með fulltrúum allra aðildarlanda sinna, auk fulltrúa evrópskra félagsliða og deildarkeppna og annarra hagsmunaaðila, um stöðu evrópskrar knattspyrnu knattspyrnu í ljósi þess heimsfaraldurs sem nú geisar. Niðurstöður fundarins eru listaðar upp hér að neðan. Í kjölfar þessa fundar mun KSÍ fara yfir stöðuna gagnvart innlendu mótahaldi. Stjórn KSÍ kemur saman fimmtudaginn 19. mars.

A landslið karla
Öllum leikjum A landsliða karla sem fara áttu fram dagana 23.-31. mars næstkomandi hefur verið frestað, og áætlað er að þeir fari fram í byrjun júní. Þessi frestun nær til fyrirhugaðs umspilsleiks íslenska A landsliðsins gegn Rúmeníu um mögulegt sæti í lokakeppni EM, sem fara átti fram fimmtudaginn 26. mars á Laugardalsvelli, og annarra umspilsleikja innan sömu dagsetninga. Miðakaupendum stendur til boða að halda miðunum, eða fá þá endurgreidda. Frekari upplýsingar verða sendar til miðakaupenda með tölvupósti.

Úrslitakeppni EM A landsliða karla hefur verið frestað um eitt ár og fer keppnin fram sumarið 2021 frá 11. júní til 11. júlí. Engar breytingar eru fyrirhugaðar á fyrirkomulagi úrslitakeppninnar.

A landslið kvenna
Leikjum A landsliða kvenna sem fara áttu fram í apríl hefur verið frestað og nýjar dagsetningar verða tilkynntar síðar, ásamt frekari breytingum á leikjadagatali A landsliða kvenna. Þessi ákvörðun nær til apríl-leikja íslenska A landsliðsins í undankeppni EM, útileikja gegn Ungverjalandi og Slóvakíu og annarra leikja í sömu keppni, sem fara því ekki fram í apríl.

Úrslitakeppni EM kvenna 2021 verður færð á nýjar dagsetningar, sem verða tilkynntar síðar.

U21 landslið karla
Leikjum U21 landsliða karla sem fara áttu fram í mars hefur verið frestað og nýjar dagsetningar verða tilkynntar síðar. Þessi ákvörðun nær til mars-leikja íslenska U21 landsliðsins í undankeppni EM, útileikja gegn Írlandi og Armeníu og annarra leikja í sömu keppni, sem fara því ekki fram í mars.

Úrslitakeppni EM U21 landsliða karla verður færð á nýjar dagsetningar, sem verða tilkynntar síðar.

U17 og U19 landslið karla og kvenna
Milliriðlum U17 og U19 landsliða karla og kvenna, sem fara áttu fram á næstu vikum og mánuðum og hafði þegar verið frestað, verða fundnar nýjar dagsetningar eða þeim aflýst.

Evrópukeppnir félagsliða
Beðið er frekari upplýsinga frá UEFA um hugsanlegar breytingar á fyrirkomulagi forkeppni Evrópukeppna félagsliða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 12 klukkutímum

Elísabet fékk ranga sjúkdómagreiningu: „Byrja að mynd­ast blöðrur á höfðinu á mér“

Elísabet fékk ranga sjúkdómagreiningu: „Byrja að mynd­ast blöðrur á höfðinu á mér“
433Sport
Fyrir 13 klukkutímum

Þessir þénuðu mest á Instagram á meðan kórónuveiran lokaði öllu

Þessir þénuðu mest á Instagram á meðan kórónuveiran lokaði öllu
433Sport
Í gær

Eitt nýtt smit í ensku úrvalsdeildinni

Eitt nýtt smit í ensku úrvalsdeildinni
433Sport
Í gær

Ronaldo mætir fjórum tímum á undan öllum til að vera í besta forminu

Ronaldo mætir fjórum tímum á undan öllum til að vera í besta forminu
433Sport
Fyrir 2 dögum

Zidane tók upp tólið og lét Raiola vita hvað hann væri að hugsa

Zidane tók upp tólið og lét Raiola vita hvað hann væri að hugsa
433Sport
Fyrir 2 dögum

Búið að brjóta allt og bramla á heimavelli Real Madrid

Búið að brjóta allt og bramla á heimavelli Real Madrid