Ítalska knattspyrnusambandið ætlar að grátbiðja UEFA um að fresta Evrópumótinu sem fram á að fara í sumar, flestir telja að það verði að veruleika.
Kórónuveiran hefur orðið til þess að allar stærstu deildir í Evrópu eru nú í pásu, óvíst er hvenær tekst að hefja leik á nýju.
Ítalía hefur farið vest úr veirunni og er landinu lokað og fólki bannað að vera úti.
UEFA fundar um málið með öllum aðildarsamböndum á morgun og er búist við því að EM verði frestað.
,,Við munum biðja UEFA að fresta EM,“ sagði Gabriele Gravina, forseti knattspyrnusambands Ítalíu.
,,Við viljum fá það tækifæri að klára deildarkeppnina okkar. Það er mikilvægara.“
Ísland á að leika í umspili um laust sæti á EM í næstu viku en nánast engar líkur eru á að það fari fram.