Stjórn UEFA mun funda á þriðjudaginn í næstu viku þar sem EM 2020 verður á meðal umræðuefna.
Þessi fundur er kallaður með stuttum fyrirvara en EM á með réttu að fara fram 12. júní til 12. júlí í sumar. Vegna kórónaveirunnar þá verður hins vegar rætt um að fresta keppninni um eitt ár og gæti hún verið spiluð á næsta ári.
55 meðlimir í stjórn UEFA munu mæta á þennan fund sem fer fram í gegnum Skype.
Enskir miðlar segja ýmsar útgáfur af lausnum vera til, fyrst og síðast vil UEFA klára Meistara og Evrópudeild enda er það góð tekjulind.
Ísland er í umspili um laust sæti á EM, BBC segir það vera kost í stöðunni að fækka liðum á EM um fjögur og því verði mögulega ekkert umspil. Draumur Ísland væri þá á enda sökum kórónuveirunnar.
BBC segir þetta ekki líklega niðurstöðu, verði mótið haldið í sumar mun Ísland mögulega leika umspilið í júní en engar líkur eru taldar á að leikurinn við Rúmeníu verði í lok mars.