Kórónuveiran er að hafa mikil áhrif á íslensk knattspyrufélög sem mörg hver eru að fara í æfingaferð sína á næstu dögum.
Fyrr í dag var sagt frá því að ÍA væri hætt við ferð sína til Spánar, liðið átti að halda út í dag.
Víkingur Reykjavík ætlaði til Spánar á laugardag en hafa ákveðið að hætta við ferðina. Þetta staðfesti einn leikmaður Víkings við 433.is. Veiran breiðist hratt út á Spáni.
Fótbolti.net segir frá því að KA og Valur hafi ætlað að fara til Bandaríkjanna en Donald Trump, forseti þar í landi hefur bannað fólki frá Evrópu að ferðast til landsins.
Búist er við að fleiri félög taki sömu ákvörðun og ÍA og Víkingur en ástandið vegna kórónuveirunnar versnar, dag frá degi í Evrópu.