Stjórn UEFA mun funda á þriðjudaginn í næstu viku þar sem EM 2020 verður á meðal umræðuefna.
Þessi fundur er kallaður með stuttum fyrirvara en EM á með réttu að fara fram 12. júní til 12. júlí í sumar.
Vegna kórónaveirunnar þá verður hins vegar rætt um að fresta keppninni um eitt ár og gæti hún verið spiluð á næsta ári.
55 meðlimir í stjórn UEFA munu mæta á þennan fund sem og talsmenn leikmannasamtakanna Fifpro.
Það gætu því tvö Evrópumót verið spiluð 2021 en EM kvenna á að fara fram á Englandi frá júlí til ágúst.
