Meistaraflokkur karla hjá ÍA í fótbolta hefur hætt við æfingaferð félagsins, vegna kórónuveirunnar. Liðið átti að fara til Spánar í dag.
„Við erum hættir við að fara út,“ sagði Jóhannes Karl Guðjónsson, þjálfari ÍA, í samtali við Vísi í dag. „Við áttum að fara seinni partinn í dag en það er endanleg ákvörðun að fara ekki.“
Kórónuveiran herjar með miklum krafti á Evrópu og er Spánn eitt þeirra landa sem hefur fundið hvað mest fyrir henni.
ÍA er fyrsta Pepsi Max-deildar liðið sem ákveður að fresta ferð sinni en líkur eru á að fleiri fylgi með.