Kristinn Steindórsson er að semja við Kórdrengi, þetta sagði Mikael Nikulásson þjálfari Njarðvíkur í hlaðvarpsþættinum, Dr. Football.
Kristinn hefur verið án félags eftir að samningur hans við FH rann út síðasta haust. Hann hefur skoðað kosti sína.
Kristinn hefur æft með Víkingi og uppeldisfélagi sínu, Breiðablik í vetur en samkvæmt Mikael er hann að semja við Kórdrengi. Kórdrengir leika í 2. deild en félagið hefur verið stórtækt í leikmannamálum og fékk liðið meðal annars Albert Brynjar Ingason í vetur.
Kristinn kom heim úr atvinnumennsku árið 2018 og lék með FH í tvö ár, félagið bauð honum ekki nýjan samning.
Kristinn var í sex ár í atvinnumennsku, hann lék í Svíþjóð og Columbus Crew í MLS deildinni. Skrefið gæti komið mörgum á óvart enda Kristinn ekki orðinn þrítugur.