Sænskir fjölmiðlar fjölluðu í dag um að íslenski landsliðsmaðurinn, Elías Már Ómarsson skuldaði skattinum þar í landi um fimm milljónir króna.
Sagt var að um væri að ræða skuld vegna skatta og vegatolla sem Elías hafði ekki greitt. Elías lék með sænska félaginu Gautaborg en fór þaðan árið 2018 og hefur síðan þá spilað í Hollandi.
Málið er þó ekki eins alvarlegt eins og sænskir miðlar láta líta út fyrir að vera, þeta sagði Ólafur Garðarsson umboðsmaður hans í samtali við 433.is.
Ástæðan að sögn Ólafs er fyrirtæki sem Elías hafði stofnað í Svíþjóð, á sinni kennitölu. Hann hafði ætlað að flytja inn vörur til landsins en ekkert varð úr því. Ólafur sagði að Elías hafi greint að skila inn framtali fyrir þetta fyrirtæki, að að þessi skuld hans við skattinn væri aðeins áætlun hans.
,,Ég marg sagði blaðamanninum í Svíþjóð þetta, Elías skuldar engum neitt. Hann skilar þessu framtali í dag eða á morgun, þá þurrkast þessi skuld út,“ sagði Ólafur við 433.is í dag.
