Arnór Sveinn Aðalsteinsson, varnarmaður KR verður frá næstu vikurnar. Hann meiddist þegar KR vann 2-0 sigur á Val í úrslitum Reykjavíkurmótsins í gær. Fréttablaðið segir frá.
Arnór var borinn af velli í upphafi leiks en Rúnar Kristinsson þjálfari KR staðfestir við Fréttablaðið að Arnór sé með tognað liðband, í ökkla.
Meiðslin ættu ekki að halda Arnóri of lengi frá vellinum, og ætti hann að vera leikfær þegar Pepsi Max-deildin hefst eftir ellefu vikur.
Sjúkralisti KR er langur þessa dagan en Finnur Tómas Pálmason braut bein í fæti á dögunum, þá sleit Emil Ásmundsson krossband og verður ekkert með í ár.
Alex Freyr Hilmarsson sleit krossband í fyrra og er enn að jafna sig, Hjalti Sigurðsson er einnig meiddur en hann var á láni hjá Leikni í fyrra.
Beitir Ólafsson hefur hvílt síðustu mánuði af læknisráði en gæti farið að æfa eftir tvær vikur.