Liverpool ætlar að bjóða Virgil van Dijk, varnarmanni félagsins nýjan samning á næstu vikum. Miðvörðurinn hefur verið frábær í tvö ár fyrir félagið.
Liverpool framlengdi við aðrar skærar stjörnur á síðasta ári og má þar nefna Sadio Mane, Mo Salah og Roberto Firmino.
Van Dijk er sagður vilja talsverða launahækkun og segir Mirror að Liverpool sé tilbúið að gera hann að launahæsta varnarmanni í heimi.
Van Dijk gæti því fengið rúmlega 200 þúsund pund á viku en hann hefur verið lykilmaður í frábæru gengi Liverpool.
Góður árangur Liverpool hefur tryggt félaginu meiri tekjur og því getur félagið nú borgað laun líkt og önnur stórlið.