Arsenal er úr leik í Evrópudeildinni eftir leik við Olympiakos á Emirates vellinum í kvöld.
Það var boðið upp á ansi skemmtilegan leik og þurfti að framlengja hann í London.
Fyrri leiknum lauk með 1-0 sigri Arsenal í Grikklandi og vann Olympiakos venjulegan leiktíma 1-0 í kvöld.
Í framlengingunni komst Arsenal yfir en Pierre-Emerick Aubameyang skoraði á 113. mínútu og virtist ætla að tryggja þeim ensku áfram.
Youseff El Arabi var á öðru máli og skoraði annað mark Olympiakos á 119. mínútu til að tryggja 2-1 sigur.
Aubameyang gat jafnað metin fyrir Arsenal í blálok uppbótartímans en hann fór þá illa með mjög gott færi.
Framherjinn viðurkennir að hann sé mjög sár eftir þetta klúður og tjáði sig eftir leikinn í gær.
,,Þetta er mjög, mjög svekkjandi. Hvað get ég sagt? Þetta er ótrúlega erfitt,“ sagði Aubemeyang.
,,Þetta var erfiður leikur. Markið á lokamínútunni var óheppni. Það er allt saman.“
,,Ég veit ekki hvernig ég klikkaði á þessu færi. Mér líður mjög illa. Þetta gerist en ég veit ekki hvernig ég fór að þessu. Ég var þreyttur og með krampa en það er engin afsökun.“