Manchester United vill ganga frá kaupum á Jack Grealish, miðjumanni Aston Villa á næstu dögum. Hann kæmi svo til félagsins í sumar. Manchester Evening News segir frá. Það ku vera klásula í samningi Grealish sem gerir honum kleift að fara fyrir 45 milljónir punda.
Grealish sem er 24 ára gamall hefur verið frábær með Aston Villa í vetur og gæti nú tekið næsta skref á ferlinum.
United vill klára kaupin á Grealish sem fyrst til að geta farið að einbeita sér að næstu leikmönnum.
Ensk blöð segja í dag að United ætli að búa til fjármagn fyrir kaupum á Grealish með því að selja bæði Jesse Lingard og Andreas Pereira í sumar.
Pereira veit af því að hann er ekki allra og fór að svara stuðningsmönnum United á Facebook í gær. Þar var þess krafist að hann myndi bæta leik sinn eða fara.
,,Ég verð áfram og mun berjast fyrir mínu sæti, minn staður er Manchester United,“ sagði Pereira þegar einn sagði honum að drullast í burtu.