Robert Lewandowski, framherji Bayern Munchen, verður frá keppni næstu fjórar vikurnar.
Frá þessu er greint í kvöld en Lewandowski skoraði í 3-0 sigri á Chelsea í Meistaradeildinni í gær.
Framherjinn meiddist þó í þeirri viðureign og mun að öllum líkindum missa af seinni leik liðanna.
Hann mun einnig missa af mikilvægum leikjum í þýsku deildinni sem og í þýska bikarnum.
Um er að ræða hnémeiðsli og ætlar Bayern ekki að taka neina áhættu og nota hann fyrr en mælt er með.