Jack Grealish, miðjumaður Aston Villa er stoltur af því að vera orðaður við Manchester United og virkar spenntur fyrir áhuga félagsins.
Grealish er sagður mjög ofarlega á lista Manchester United í sumar en félagið skoðar hann og James Maddison, líklegt er að Grealish sé ódýrari kostur.
,,Það er ljúft að heyra svona, hver vill ekki láta tala fallega um sig? EF ég er heiðarlegur, þá tek ég þessu öllu með fyrirvara,“ sagði Grealish.
,,Ég fékk allt þetta sama fyrir fimm árum, þegar ég var 19 ára að slá í gegn. Ég var að skoða netið og sjá allt það sem var sagt.“
,,Ég var alltaf í blöðunum og það var verið að ræða um mig sem næstu stjörnu, svo gerir þú eitthvað vitlaust og það gerist ekkert.“
,,Það er gaman að lesa svona og heyra en ég pæli ekki of mikið í því. Ég veit að þetta getur breyst mjög fljótt.“