Sverrir Ingi Ingason var í byrjunarliði PAOK í kvöld sem lék við Olympiakos í stórleik í Grikklandi.

Um er að ræða tvö efstu liðin í efstu deild og var því mikið undir á heimavelli PAOK.

PAOK var tveimur stigum á eftir Olympiakos fyrir leikinn og þurfti því verulega á sigri að halda.

Því miður fyrir okkar mann þá hafði Olympiakos betur 1-0 þrátt fyrir aðeins eitt skot á markið.

Það var Dimitris Giannoulis sem gerði eina markið en hann varð fyrir því óláni að gera sjálfsmark fyrir heimamenn.

PAOK er nú fimm stigum á eftir Olympiakos þegar 25 umferðir eru búnar.