Lionel Messi, leikmaður Barcelona, var frábær í kvöld er liðið mætti Eibar í spænsku úrvalsdeildinni.
Messi þarf vart að kynna fyrir lesendum en hann hefur lengi verið einn besti ef ekki besti leikmaður heims.
Messi skoraði fernu í öruggum 5-0 heimasigri Börsunga og þar á meðal þrennu í fyrri hálfleik.
Arthur skoraði svo fimmta mark liðsins á 89. mínútu og var sigur heimamanna aldrei í hættu.
Barcelona er á toppi deildarinnar með 55 stig, tveimur stigum á undan Real Madrid sem á leik til góða.