Pep Guardiola, stjóri Manchester City, hefur tjáð sig um ummæli vængmannsins Raheem Sterling.
Sterling ræddi við spænska blaðið AS og greindi þar frá því að það væri hans draumur að spila fyrir Real Madrid einn daginn.
Guardiola er alveg sama þó það sé draumur Sterling og segir að hann eigi rétt á því að tala um það mál.
,,Leikmennirnir mega tala um það sem þeir vilja og um það sem þeir hugsa, við erum ekki hér til að koma í veg fyrir það,“ sagði Guardiola.
,,Það er eðlilegt að ef þú ræðir við miðla frá Madríd að það sé talað um Real Madrid.“