Odion Ighalo, leikmaður Manchester United, vonast til að fá að vera enn lengur hjá félaginu.
Ighalo kom til United á láni í lok janúar en hann kom frá Shanghai Shenhua sem spilar í Kína.
Hann hefur tvisvar komið inná sem varamaður til þessa og er að upplifa drauminn á Old Trafford.
,,Auðvitað vil ég vera hér lengur ef ég fæ tækifæri til þess,“ sagði Ighalo við blaðamenn.
,,Það er ákvörðun knattspyrnustjórans. Starfið mitt er að æfa vel á hverjum degi og hjálpa liðinu þegar kallið kemur.“