Manchester United þurfti að sætta sig við jafntefli í gær í leik í 32-liða úrslitum Evrópudeildarinnar.
United spilaði við Club Brugge í fyrri leik liðanna í Belgíu en leiknum lauk með 1-1 jafntefli. Brugge komst yfir en Anthony Martial jafnaði svo metin fyrir gestina í fyrri hálfleik.
Bruno Fernandes kom innn sem varamaður seint í leiknum en gæði hans sáust strax, hann virðist styrkja United ansi mikið. Ef mið er tekið af fyrstu frammistöðum hans.
,,Hann hefur verið frábær,“ sagði Robin van Persie, fyrrum framherji Manchester United um Fernandes.
,,Þú getur alltaf séð það á frábærum leikmönnum hvað þeir hafa og hverju þeir bæta við liðið, hann er með frábærar snertingar á boltann.“
,,Hann sendir boltann vel, hann er með góðar fyrirgjafir og öflug skot. Það er gaman að horfa á hann.“