N’Golo Kante, leikmaður Chelsea, verður frá keppni næstu þrjár vikurnar vegna meiðsla.
Þetta var staðfest í dag en Kante meiddist í síðasta leik Chelsea gegn Manchester United.
Miðjumaðurinn entist í aðeins 12 mínútur gegn United en hann er að glíma við vöðvameiðsli.
Það er mikið áfall fyrir Chelsea en Kante er einn mikilvægasti ef ekki mikilvægasti leikmaður liðsins.
Chelsea er í harðri baráttu um Meistaradeildarsæti og verður einnig án Kante gegn Bayern Munchen í Meistaradeildinni.
