Hörður Ingi Gunnarsson er ofarlega á óskalista FH, félagið vill fá þennan öfluga bakvörð aftur heim en hann er samningsbundinn FH. Þetta kom fram í Dr. Football í gær.
Mikael Nikulásson, sérfræðingur þáttarins vakti athygli á málinu og sagði málið í hnút.
,,FH-ingar vilja kaupa hann af Akranesi, fyrir upphæð sem er vel virði hans og jafnvel meira. FH-ingar vilja fá uppalda leikmenn heim, á næstu mánuðum,“ sagði Mikael en Hörður ólst upp í FH en fékk fá tækifæri.
Hörður er 22 ára gamall en hann hefur spilað með Ólafsvík, HK og ÍA síðustu ár.
,,Nokkrar milljónir heyrði ég, ég segi það með ábyrgð, Skagamenn vilja milljónir, Skagamenn eru grjótharðir. Gæinn er kominn í hálfgert þunglyndi, að fá ekki að fara. Hann er samningsbundinn, þá fara menn að tala um mannlega þáttinn. Skagamenn eru harðir á að spila honum í vinstri bakverði en hann er hægri bakvörður, þar labbar hann í liðið hjá FH,“ sagði Mikael
,,Það er smá fight þarna á milli, FH hefur ekki gefist upp. Það er verið að tala um það, ég heyrði það að Skagamenn skulda honum einhver laun.“
Kristján Óli Sigurðsson, sagði fjárhagsstöðu Skagamanna ekki góða og því gætu þeir endað á að selja Hörð.
,,Staðan er bara þannig, nákvæmlega þannig. Skaginn er búinn að eyða öllum peningum sem komu fyrir Arnór Sig og strákana sem fóru til Norrköping. Þetta er hátt í 70 milljónir, heyri ég. Þetta er lygilegt, þetta lið á að eiga peninga eftir að hafa fengið nánast óútfylltan tékka frá Rússlandi og Svíþjóð.“
Hörður gerði nýjan samning við ÍA í fyrra og á tæp tvö ár eftir.