Manchester United þurfti að sætta sig við jafntefli í gær í leik í 32-liða úrslitum Evrópudeildarinnar.
United spilaði við Club Brugge í fyrri leik liðanna í Belgíu en leiknum lauk með 1-1 jafntefli. Brugge komst yfir en Anthony Martial jafnaði svo metin fyrir gestina í fyrri hálfleik.
Luke Shaw, sem iðulega hefur spilað sem bakvörður lék á nýjan leik sem miðvörður í leiknum. Þar hefur hann blómstrað vinstara megin í þriggja manna línu.
Shaw kom til United sumarið 2014 en hefur ekki enn náð að slá í gegn, hann er þó aðeins 24 ára gamall og hefur tíma til þess að finna taktinn. Shaw hefur verið öflugur síðustu vikur, Gary Neville fyrrum fyriliði félagisns lofsyngur frammistöðu hans.
,,Ég tel að Luke Shaw sé að nálgast sitt besta sem hafsent í þriggja manna línu,“ skrifaði Neville.
,,Hann virkar sterkur og hlaupageta hans er á nýjan leik góð. Ég vona að hann sleppi við meiðsli,“ sagði Neville en Shaw hefur ítrekað meiðst og þá komið til baka í slæmu formi.
I think Luke Shaw is approaching something like his best in that left centre back position. He looks strong and has his running back to where it was. I hope he stays clear of injury now .
— Gary Neville (@GNev2) February 21, 2020