Erling Haaland er ótrúlegur leikmaður en hann gekk í raðir Borussia Dortmund í janúar. Haaland gekk í raðir Dortmund frá RB Salzburg og hefur síðan þá raðað inn mörkunum.
Haaland skoraði tvö mörk gegn Paris Saint-Germain í Meistaradeildinni í 2-1 sigri í gær.
Annar ungur drengur sem fær ekki fyrirsagnir dagsins, Jadon Sancho átti einnig frábæran leik fyrir Dortmund.
Þessi 19 ára enski kantmaður ætlar að fara frá Dortmund í sumar og er mest orðaður við Chelsea og Manchester United. Frammistaða hans er slík að verðmiði hans bara hækkar og hækkar.
,,Frammistaðan frá Sancho var eins og Neymar í sínu besta formi, það var ekki hægt að stoppa hann,“ sagði Owen Hargreaves eftir leikinn.
Hann sagði svo United og Chelsea að opna bankabókina. ,,Opnið bankabókina, það þarf einhver að kaupa þennan dreng. Hann er með sérstaka hæfileika.“