Andre Gomes, leikmaður Everton, gæti óvænt byrjað næsta deildarleik liðsins gegn Arsenal.
Þetta staðfesti Carlo Ancelotti, stjóri Everton, í gær en Gomes hefur verið frá vegna meiðsla.
Miðjumaðurinn meiddist illa á ökkla þann 3. nóvember og hefur ekkert spilað síðan þá.
Hann hefur hins vegar jafnað sig af þessum meiðslum mun fyrr en búist var við og gæti náð næsta leik.
Ancelotti segir að Gomes sé tilbúinn að spila og gæti hann því mætt strax í byrjunarliðið í næsta leik.