Stórleikur umferðarinnar á Englandi fór fram í gær en Chelsea fékk þá Manchester United í heimsókn. Það var nóg undir á Stamford Bridge en United gat minnkað forskot Chelsea í fjórða sætinu niður í þrjú stig.
Fjörið var mikið í London í gær en það var United sem hafði betur að lokum með tveimur mörkum gegn engu. Bæði mörkin voru skallamörk en Anthony Martial gerði það fyrra í fyrri hálfleik og Harry Maguire það seinna, í seinni hálfleik. VAR var að venju í umræðunni yfir leik kvöldsins og voru allavegana tvö umdeild atvik í boði.
Varnarleikur United hefur tekið miklum bætingum síðustu vikur og er Liverpool eina liðið sem heldur oftar hreinu.
Tölfræði um þetta er hér að neðan.
