Cristiano Ronaldo þénar fleiri hundruð milljónir í hverjum mánuði og lífsstíll hans er eftir því. Ronaldo lifir hátt og hefur efni á því.
Ronaldo er trúlofaður Georgina Rodriguez, en fjölmiðlar á Ítalíu segja að Ronaldo láti hana fá 80 þúsund pund í upphafi hvers mánaðar.
Um er að ræða 13,3 milljónir íslenskra króna sem Georgina er sögð fá til að leika sér með í hverjum mánuði.
Ronaldo og Georgina hafa búið á Ítalíu í eitt og hálft ár, þau kynntust þegar Ronaldo kom við í Gucci búð í Madríd. Þar var Georgina starfsmaður.
Sagt er að Ronaldo vilji sjá til þess að Georgina geti keypt sér það sem hún vill og sökum þess lætur hann, hana fá 13,3 milljónir mánaðarlega.
Ronaldo og Georgina eiga eitt barn saman en fyrir átti Ronaldo þrjú börn og sér Georgina að mestu um þau. Enda Ronaldo oftar en ekki frá vegna vinnu.