Jurgen Klopp, stjóri Liverpool, sá sína menn tapa í kvöld gegn Atletico Madrid í Meistaradeildinni.
Liverpool tapaði í 16-liða úrslitunum 1-0 á Spáni en er enn vel á lífi fyrir seinni leikinn á Anfield.
,,Þetta hefði ekki átt að gerast en þetta gerðist. Þetta er andrúmsloftið sem við bjuggumst við en ég elskaði mikið við það sem við gerðum í kvöld,“ sagði Klopp.
,,Það vantaði aðeins upp á síðasta þriðjungnum en þeir vörðust með öllu sem þeir áttu og hvernig þeir gerðu það í eigin vítateig var magnað.“
,,Þegar þeir komast yfir í 1-0 í svona leik þá vilja þeir bara halda því og þeir hefðu tekið markalausu jafntefli. Ég er spenntur fyrir seinni leiknum.“