Það eru margir hissa á því að Barcelona sé komið með leyfi frá La Liga til að kaupa framherja, þó að félagaskiptaglugginn sé lokaður.
Luis Suarez og Ousmane Dembele eru meiddir og ákvað La Liga því að gefa grænt ljós á að félagið keypti framherja.
Martin Braithwait, framherji Leganes er nefndur til sögunnar og er sagður efstur á óskalista Börsunga. Hann er með átta mörk í 20 leikum á þessu tímabili.
Leganes er í 19 sæti La Liga og berst fyrir lífi sínu, félagið getur ekki stoppað það að Braithwaite fari. 15 milljóna punda klásúla er i samningi hans.
Braithwaite lék í tvö ár með Middlesbrough í Championship deildinni en gat lítið. Hann er 28 ára og kemur frá Danmörku.